الحدق يفهم - حاجة قديمة -

ساعة فضا

في حالة رضا

سارح في يوم

عدا ومضى

فاكر في يوم

اني مكنتش

غاوي نوم

أسهر لوش الصبح

وأعد النجوم

اني كنت في يوم

راجل همام

يجري ويخبط

يزعق

في وسط الزحام

يجري ويدي

الظابط بتاعه التمام

كنت أليط

جامد حويط

يعملي كل الحي

ألف احترام

كنت أصرخ في السبع

يتحير ينام

كنت الشديد

عالي وبعيد

وحفيده قاعد

يسمع باهتمام

اتحنح الواد

وقاله باحترام

يا جدي ده خلاص

عدى وراح

بلاش كلام من ده

وتهيج جراح

بلاش تقول انك كنت

حامي الديار والسلاح

بلاش تقول انك

كنت القوي وباكتساح

انتا فين دلوقتي

وهما فين 

دلوقتي هما المتسلطين 

أقويا مسنودين 

يتهددوك يتوعدوك

وتقول انتا -خلاص -آمين

بص الجد للواد

وقاله انتا مين

قاله أنا ابن ابنك حسام 

ابن محمدين